Според податоците на Државниот завод за статистика, индексот на просечната месечна исплатена бруто-плата по вработен во октомври 2021 година, во однос на октомври 2020 година, изнесува 104.6.
Ваквото зголемување се должи, пред сѐ, на зголемувањето на просечната месечна исплатена бруто-плата по вработен во секторите: Други услужни дејности (11.9 %), Објекти за сместување и сервисни дејности со храна (10.4 %) и Информации и комуникации (10.3 %).
Зголемување на просечната месечна исплатена бруто-плата по вработен, во однос на претходниот месец, е забележано во секторите: Трговија на големо и трговија на мало; поправка на моторни возила и мотоцикли (3.4 %), Објекти за сместување и сервисни дејности со храна (2.2 %) и Други услужни дејности (2.1 %).
Просечната месечна исплатена бруто-плата по вработен, во октомври 2021 година, изнесува 43 557 денари.
ПОВЕЌЕ ВЕСТИ
Македонскиот пазар на електрична енергија се шири со поддршка на словенечката берза – започнува пазарот во тековниот ден (Intraday Market)
АВМУ изразува сериозна загриженост за континуираните етикетирања и јавни напади од страна на СДСМ кон медиуми и новинари
Дел до автобусите на ЈСП не сообраќаат до крајните дестинациии во приградските населби