МЕГАФОН

ВИКНИ ГЛАСНО

СОНОТ е клучот за се: Невролог објаснува колку СПИЕЊEТO влијае на нашата МЕМОРИЈА, но откри и колку за нас е добро ЗАБОРАВАЊЕТО

Ако не спиете доволно, вашата мозочна активност, меморија и концентрација ќе се намалат, но заборавањето, од друга страна, е всушност важно за добро функционирање на мозокот.

Д-р Скот Смал, невролог кој ја истражува Алцхајмеровата болест неколку децении, објасни дека недостатокот на сон всушност создава премногу спомени, што резултира со преоптоварување на мозокот и недостаток на простор за создавање нови спомени, па полесно е да се заборават некои важни информации, пишува MindBodyGreen.

Што се случува со сеќавањето додека спиете

– Една од основните функции на спиењето е чистење на меморијата – објаснува др. Мал. Идејата ја претстави неврологот, молекуларен биолог и добитник на Нобеловата награда Френсис Крик, кој утврди дека спиеме за да можеме да заборавиме. Тоа значи дека во сон нашиот мозок ги отстранува неважните податоци.

Ако мозокот го замислиме како големо поле, а сеќавањата се тревата што расте од земја, сонот овозможува одржување на теренот и отстранување на непотребните парчиња трева. Ако не спиеме доволно, мозокот не може да ги отстрани неважните информации.

Имено, секојдневно се среќаваме со илјадници информации за кои веројатно не сме ни свесни.

– Мозокот може да запомни илјадници детали, а повеќето од нив не се важни за вашиот живот – истакнува Смал.

Како и со обрасните ливади, сеќавањата се акумулираат со текот на времето и создаваат неред. Кога луѓето не спијат доволно, нивниот мозок не може да го отстрани вишокот материјал и да ги задржи само основните информации. Затоа недостатокот на сон е поврзан со проблеми со учењето и меморијата.

– Бидејќи во тој случај мозокот е полн со информации, луѓето не можат слободно да размислуваат – вели Смал.