МЕГАФОН

ВИКНИ ГЛАСНО

Се појавија првите слики и видео од уништените Северни текови 1 и 2

Се појавија одлични први слики од оштетениот гасовод Северен тек, три недели откако беше разнесен со „екстремна сила“ како чин на саботажа. Снимката, објавена во вторникот, покажува најмалку 50 метри од гасоводот „Северен тек 1“ уништен или затрупан под морското дно по експлозијата на 26 септември – за која многумина веруваат дека е руски напад, или можеби некој од западните сили.

Фотографиите беа објавени кога данската полиција објави дека зад оштетувањата на два гасоводи (Северен тек 1 и 2) во Данскиот дел на Балтичкото Море претстоеле „силни експлозии“. Шведските истражители на 6 октомври рекоа дека нивните првични истраги дошле до сличен заклучок.

Двата гасоводи „Северен тек“ беа оштетени од експлозии под Балтичкото Море на крајот на септември, предизвикувајќи четири истекувања.

И шведските и данските власти истражуваат четири дупки во гасоводите Северен тек 1 и 2. Додека истекувањата беа во меѓународни води, две беа во ексклузивната економска зона на данска и две во шведската.

Не е јасно точно кој дел од гасоводот Северен тек 1 го прикажува видеото, но најверојатно тоа е делот што шведска го истражува, североисточно од данскиот остров Борнхолм.

На видеата што ги објави шведскиот весник Екпресен, на цевководот, 80 метри под океанот, може да се забележи огромна празнина и извиткан метал. „Само екстремна сила може да го свитка металот толку дебел на начинот на кој што го гледаме“, изјави за Екпресен Тронд Ларсен, оператор на дронови од норвешката компанија Blueie Robotics.

Без разлика дали има врска или не, сателитските снимки направени на 7 октомври покажуваат дека Русија распоредила неколку стратешки нуклеарни бомбардери ТУ-160 ТУ-95 на границата со Норвешка и Финска.

Ларсен, кој управуваше со подводниот дрон што го сними видеото, исто така рече дека може да се види и „многу голем удар на морското дно околу цевката“.

Се верува дека експлозиите биле со јачина од 2,3 степени според Рихтеровата скала.

Данскиот министер за одбрана Мортен Бодсков за ТВ2 изјави: „Тоа е многу сериозно и во никој случај не е случајност. Тоа не изгледа само планирано, туку многу добро испланирано’.

Шведска одбива да ги предаде резултатите од истрагата

На 14 октомври излезе интересна вест: Шведска одлучи да не учествува во заедничката истрага за истекувањето на гасот „Северен тек“ со Данска и Германија.

Шведска повеќе нема да учествува во заедничката истрага за истекувањето на гасоводот Северен тек, објави во петокот германскиот магазин Der Spiegel, повикувајќи се на германски безбедносни извори.

Нордиската земја не сака да ги сподели резултатите од сопствените истраги со други земји, се вели во извештајот. Точните безбедносни грижи што ја наведоа Шведска да се откаже од заедничката истрага се нејасни.

Претходно оваа недела, Шведска рече дека нема да дозволи Русија да се приклучи на тековната истрага за истекувањето на гасоводот, но додаде дека Москва може да изврши свои инспекции.

Изјавата на шведската премиерка Магдалена Андерсон уследи по претходните барања на Русија да биде вклучена во истрагата за наводната саботажа.

„Во Шведска, прелиминарните истраги се доверливи, а тоа е секако точно и во овој случај“, рече Андерсон на прес-конференција. Според оваа шведска логика, човек би помислил дека нешто кријат, или можеби ја покриваат Русија? Затоа што многумина го обвинија Кремљ дека извршува напади на Северниот тек за да ја фрли Европа на колена уште повеќе, или пак можеби Шведска штити некој друг сојузник? Можеби ќе откријат нешто што не треба да го објават, па за секој случај, подобро е да се чува во тајност.

Please follow and like us:
fb-share-icon0